Era de maggio e te cadeano 'nzino a schiocche a schiocche li ccerase rosse... Fresca era ll'aria e tutto lu ciardino addurava de rose a ciente passe. Era de maggio - io, no, nun me scordo - na canzone cantàvamo a ddoje voce: cchiù tiempo passa e cchiù me n'allicordo, fresca era ll'aria e la canzona doce. diceva: "Core, core! core mio, luntano vaje; tu me lasse e io conto ll'ore, chi sa quanno turnarraje!" Rispunnev'io: "Turnarraggio quanno tornano li rrose, si stu ciore torna a maggio pure a maggio io stonco ccà".
https://lyrics.primanota.net/misc-traditional/napoletane-era-de-maggio.htm