Pälzer Buwe Ich bin en echder Pälzer Bu, de stärkscht vun unsrer Gass, un wer die Pälzer Buwwe kennt: Des is e edli Rass! Kraache un e Schleppche, ei, des is uns viel zu dumm! Mer fahrn de liewe lange Dag im Chausseegrawe rum. Refrain: Horsch do mol hie! Des klingt ganz pälzerisch holderiaho! Voller Witz un voller Schneid so babble do die Leit. Vor so'rer Ausdrucksweis hat jedermann Reschpekt! Des is un bleibt e unverfälschder Pälzer Dialekt! Unn wann zwä Pälzer Hännel han, des is ä wahri Frääd. Fremder, wo voriwwer geht, vergesst's sei Lebdach net. Die Werter, wo do fallen riwwer-niwwer iwwer de Disch, die stehn jo in kämm Lexikon die sinn jo noch ganz frisch! Refrain: Horsch do mol hie! Des klingt ganz pälzerisch holderiaho! Voller Witz un voller Schneid so babble do die Leit. Vor so'rer Ausdrucksweis hat jedermann Reschpekt! Des is un bleibt e unverfälschder Pälzer Dialekt! Ei, du Bankert, ei du Schäler, ei du Rindvieh, du Kamel, Du bisch mer jo noch ääner, ei, was gucksche dann so schääl? Mei Liewer, du hasch heit jo noch kää Kannelwasser g'sof, wann ich dich am Schlwaittschel nemm, dann saufsch awwer doch! Refrain: Horsch do mol hie! Des klingt ganz pälzerisch holderiaho! Voller Witz un voller Schneid so babble do die Leit. Vor so'rer Ausdrucksweis hat jedermann Reschpekt! Des is un bleibt e unverfälschder Pälzer Dialekt! Zwää Buwe speilen Klickerchers un krien minanner Krach. "Hää! Gebb mer mol mei Klicker her, sunscht kriesche ää uffs Dach! Ich duh der dei Bollincher butze, bis de Sterncher siehsch un träät der in dei Klicker nei bis daß de määnsch, du fliesch. Refrain: Horsch do mol hie! Des klingt ganz pälzerisch holderiaho! Voller Witz un voller Schneid so babble do die Leit. Vor so'rer Ausdrucksweis hat jedermann Reschpekt! Des is un bleibt e unverfälschder Pälzer Dialekt!
https://lyrics.primanota.net/misc-traditional/pfalzer-bu.htm