Io nun capisco, ê vvote, che succede... e chello ca se vede, nun se crede! nun se crede! ' nato nu criaturo niro, niro... e 'a mamma 'o chiamma Giro, sissignore, 'o chiamma Giro... Séh! gira e vota, séh... Séh! vota e gira, séh... Ca tu 'o chiamme Ciccio o 'Ntuono, ca tu 'o chiamme Peppe o Giro, chillo, o fatto, è niro, niro, niro, niro comm'a che!... 'O contano 'e ccummare chist'affare: "Sti fatte nun só' rare, se ne contano a migliara! 'e vvote basta sulo na guardata, 'A femmena è restata, sott''a botta, 'mpressiunata..." Séh! na guardata, séh... Séh! na 'mpressione, séh... Va' truvanno mo chi è stato ch'ha cugliuto buono 'o tiro: chillo, 'o fatto, è niro, niro, niro, niro comm'a che!... Ha ditto 'o parulano: "Embè parlammo, pecché, si raggiunammo, chistu fatto nce 'o spiegammo! Addó' pastíne 'o ggrano, 'o ggrano cresce... riesce o nun riesce, sempe è grano chello ch'esce!" Mé', dillo a mamma, mé'... Mé', dillo pure a me... Ca tu 'o chiamme Ciccio o 'Ntuono, ca tu 'o chiamme Peppe o Giro, chillo...'o ninno, è niro, niro, niro, niro comm'a che!... 'E signurine 'E Caporichino fanno ammore cu 'e marrucchine, 'e marrucchine se vottano 'e lanze, e 'e signurine cu 'e panze annanze. American espresso, ramme 'o dollaro ca vaco 'e pressa sinò vene 'a pulisse, mette 'e mmane addò vò isse. Aieressera a piazza Dante 'o stommaco mio era vacante, si nun era p''o contrabbando, ì' mò già stevo 'o campusanto. levate 'A pistuldà uè e levate 'a pistuldà, e pisti pakin mama levate 'A pistuldà. 'E signurine napulitane fanno 'e figlie cu 'e 'mericane, nce verimme ogge o dimane mmiezo Porta Capuana. Sigarette papà caramelle mammà, biscuit bambino dduie dollare 'e signurine. Cuncetta A Nanninella 'E piacevan'E caramelle, mò se presentano pe' zitelle e vann'a fernì 'ncopp'e burdelle. Ciurcillo 'o viecchio pazzo s''è arrubbato 'e matarazze e ll'America pe' dispietto ce ha sceppato 'e pile 'a pietto. Aieressera magnai pellecchie 'e capille 'ncopp''e recchie capille capille e 'o recotto 'e camumilla... 'O recotto,'o recotto e 'a fresella cu 'a carna cotta, 'A fresella 'A fresella e zì moneco ten''a zella. tene a zella nnanze e arreto uffa uffa e comme fete e lle fete e cane muorto uè pe ll'anema e chillemmuorto. levate 'A pistuldà uè e levate 'a pistuldà, e pisti pakin mama levate 'A pistuldà.
https://lyrics.primanota.net/misc-unsigned-bands/nuova-compagnia-di-canto-popolare-tammurriata-nera.htm